Manchester City fitoi me përmbysje ndaj Swansea me rezultatin 3-2 në përballjen e vlefshme për FA Cup, duke u kualifikuar për në gjysmëfinale, por ai gol i fitores duhej anulluar. Sergio Aguero shënoi me kokë golin e tretë për “Qytetarët” vetëm pak minuta para përfundimit të kohës së rregullt, duke eliminuar Swansea.
Ishte Swansea që kryesonte me rezultatin 2-0 kundër kampionëve në fuqi të Premier League, përpara se trajneri Pep Guardiola të niste përmbysjen e madhe. Gjithsesi, Aguero duhet ta quajë veten e tij me fat, për faktin që arbitri anësor nuk ngriti flamurin në golin që i dha kualifikimin skuadrës së “Qytetarve” në “Liberty Stadium”.
Sikure dëshmojnë fotot televizive nga “BT Sport”, Aguero ishte dukshëm në pozicion jashtë loje në momentin kur mbërriti krosimi që i shërbeu atë top të dërguar më pas në rrjetë, për golin e triumfit. Një gafë që i shpëtoi asistentit të arbitrit, por gjithashtu nuk u vlerësua as nga VAR që nuk u përdor fare në ndeshje.
Në fakt VAR është përdorur këtë sezon në FA Cup, por jo në të gjitha ndeshjet. Stadiumi i skuadrës së Swansea nuk kishte të instaluar teknologjinë e VAR. Ndërkohë, në përballjet mes Watford ndaj Crystal Palace dhe Wolves ndaj Manchester United, disponohej VAR.
Kamerat e VAR janë të instaluara në të gjitha stadiumet e Premier League, kështu që teknologjia është përdorur gjatë ndeshjeve të FA Cup. Tashmë, Manchester City është në gjysmëfinale, falë edhe mungesës së VAR në ndeshjen ndaj Swansea.
#Aguero is a good TWO FEET offside. @FA, you HAVE NO CASE. #BBCfootball pic.twitter.com/AGX45KFCld
— JavelBleach (@JavelBleach) March 16, 2019
Goal Man City 3 Swansea 0 #facup #EmiratesFACup offside tho #aguero pic.twitter.com/IUv1zvCYXS
— mumblesports (@mumblesports) March 16, 2019
