Futboll Premier League Sport

FLET PËR TË ARDHMEN E HAZARDIT/ Sarri: Respektoj vendimin e tij, por nuk…

Eden Hazard tashmë është rregullisht temë e konferencave për shtyp të Maurizio Sarrit. Megjithatë, trajneri italian i Chelsea ende nuk e di vendimin e ndërkombëtarit belg për të ardhmen: Ne nuk mund ta zgjidhim tani këtë problem, sepse merkatoja është e mbyllur. Hazard është shumë i rëndësishëm për ne, do ta respektoj vendimin e tij, por nuk e di në këtë kohë, nëse ka vendosur apo jo…

I pyetur nëse ndikon në këtë çështje prania e Zinedine Zidane në stolin e Real Madridit, Sarri përsëri e ka shmangur përgjigjen, duke u fokusuar në pjesën e mbetur të sezonit: Unë e di që ju keni interes për të ditur gjithçka nga Hazard, por nuk është momenti të flasim mbi merkaton. Për mua, lojtari është edhe më i rëndësishëm në këtë kohë. Ne kemi nevojë për ta pasur sa më në formë në dy muajt e fundit të sezonit“.

Ndikim të madh në vazhdimësinë e mundshme të Hazard me blutë e Londrës do të ketë klasifikimi përfundimtar i Premier League. Do të kualifikohet apo jo Chelsea në Ligën e Kampionëve, kjo ka rëndësi të madhe. Ekipi i Sarrit është tri pikë prapa Arsenalit, në vendin e katërt, kështu që do të luftojë deri në fund:

“Ne nuk kemi vendosur objektiv pikësh, duhet të ecim përpara ndeshje pas ndeshjeje, duke u përqëndruar maksimalisht. Objektiv është ndeshja e radhës. Periudha e fundit e Premier League do të jetë e vështirë për të gjitha ekipet. Ne mund ta mbyllim kampionatin mes katër të parëve, edhe nëse nuk fitojmë tetë ndeshje me radhë”.

Related posts

Andrea Pirlo “zbulon” se si mund të shkonte te Barcelona. Ka dhe një urim special për Gattuson

Q.Autor

NGA SERGIO RAMOS TEK MBAPPE/ Ja si yjet e futbollit ju urojnë për Krishtlindje në rrjetet sociale (FOTO)

Delo.autor

RONALDINHO NUK E KA HUMBUR MAGJINË/ Shënon tripletë në futboll plazhi (FOTO)

Delo.autor

Leave a Comment