Presidenti i Tiranës, Refik Halili, foli në mbledhjen e sotme, duke shtruar disa probleme në lidhje me detyrimet e prapambetura të klubit bardhezi, të cilët e panalizojnë këtë të fundit, në marrjen e licencimit. Halili kërkoi një zgjidhje për këtë çështje, duke shpresuar më të mirën për futbollin shqiptar.
“Më keq që kemi qenë nuk do bëhemi. Shpresoj që këto që u thanë të zgjidhen. Në 8 vite në momentin që klubi i Tiranës, shkoi drejt privatizimit, në momentin që ne e dorëzuam klubin, e dorëzuam me 48 mijë euro borxhe, teksa në një periudhë shumë të shkurtër, klubi shkoi në 2.4 miliardë borxhe.
Bashkitë duhet të jenë shumë të kujdesshme, për sa i përket marrëveshjeve dhe kontratat. Gara nuk fillon e pastër. Dikush e bën kontratën 200 mijë lek, dikush 2 milionë lek. Me ato që thatë ju, futbolli do marrë rrugën e duhur. Kam një kërkesë, që klubet të jenë ndërmarrje shtetërore.
Gjyqet e viteve të mëparshme na penalizojnë dhe nuk marrim dot licencimin. Kemi dhe detyrime të tmerrshme në tatime në atë kohë dhe kjo na penalizon. Borxhet kapin 1.6 miliardë lek. Është tmerr. Kërkoj marrëveshje nga tatimet për ketë pjesë”, u shpreh Halili.
