Ka nisur që tani, por me mbylljen e sezonit dhe hapjen e merkatos së verës, Paulo Dibala me shumë mundësi do të jetë emri më i përfolur në tregun e transferimeve. Pas Manchester City, Real Madrid dhe Liverpool, tashmë është Bayern Munich që hyn bindshëm në garën e fortë për të marrë shërbimet e sulmuest argjentinas. Sipas mediave italiane, klubi bavarez është gati të shpenzojë 120 milion euro për kartonin e futbollistiti.
Një shifër e rëndësishme dhe që pajtohet me atë që pretendon Juventusi. Por “Zonja e Vjetër” nuk do të shpejtohet, aq më tepër kur sheh interesimin e madh të shumë klubeve, që projektojnë një ankand të vërtetë gjatë verës. Për këtë arsye, kampionët italianë do të presin gjatë për të fituar sa më shumë nga shijtja e Dibalës. Largimi nga Torino duket se kërkohet edhe nga vetë sulmuesi, që përveç disa periudhave të shpërndara kohore, asnjëherë nuk u kthye në një titullar i padiskutuar te Juventusi. Akoma më shumë se kaq. Me transferimin e Kristiano Ronaldos, të paktën për sa kohë sulmuesi portugez do të qëndrojë në Serinë A, Paulo Dibala nuk do të ketë asnjë shans për t’u kthyer në protagonist kryesor.