Hernan Crespo është i mahnitur nga Lautaro Martinez. Sulmuesi i ri argjentinas ka impresionuar gjatë mungesës së Icardi-t, duke shënuar rregullisht në Serie A.
“Lautaro është goxha mirë,” shprehet Crespo për La Gazzetta dello Sport.
“Ai bën gjëra mbresëlënëse dhe mbi të gjitha është në vendin e duhur në kohën e duhur. Ai është ambientuar me futbollin italian dhe ka treguar karakter dhe kurajo.
Mos harroni, ai po luan titullar vetëm këto javët e fundit, kështu që nuk është një moment i lehtë për zikaltrit.
Lautaro nuk është një qendërsulmues siç kam qenë unë, apo siç është Icardi, pasi i pëlqen të lëvizë më shumë dhe mund të luajë edhe si sulmues i dytë.
Për momentin, ai po tregon se nuk e ka problem të luajë edhe si qendërsulmues. Ai është përshtatur mirë dhe po sakrifikon veten për ekipin.
Për mendimin tim, Lautaro është një kampion i ardhshëm, por e tashmja e Inter. Miku im Juan Sebastian Veron ka folur me superlativa për të, dhe Seba rrallëherë e ka gabim për këto gjëra.”
