Manchester United mesa duket do të sfidojë Napolin për firmën e sulmuesit Hirving Lozano-s.
Siç raporton La Gazzetta dello Sport, United ka nisur negociatat me agjentin e lojtarit, të mirënjohurin Mino Raiola.
Sulmuesi anësor i PSV Eindhoven më parë është kërkuar edhe nga Napoli. Italianët thuhet të kenë qenë gati të paguanin 40 milionë euro për 23-vjeçarin.
Lozano ka shënuar 19 gola në kampionatin holandez këtë sezon, duke përgatitur nëntë të tjerë.
Meksikani ka shkëlqyer gjatë botërorit të fundit dhe me siguri është një kujtim i keq i skuadrës gjermane.
Ishte ai që shënoi golin e fitores në fazën e grupeve ndaj Gjermanisë. Verën e kaluar ai u kërkua nga disa klube, por në fund asgjë nuk u formalizua.
