Ka konfuzion dhe tension tek Inter, teksa përfaqësuesi i Mauro Icardi-t insiston se nuk është informuar kur Luciano Spalletti vendosi ta linte jashtë skuadrës ndaj Lazio-s.
Sulmuesi është rikthyer në stërvitje këtë javë pas 40 ditëve pushim, për arsye që tashmë dihen nga të gjithë.
Icardi pritej të ishte në skuadër për ndeshjen e Lazio-s, sidomos pas dëmtimit të Lautaro Martinez, por Spalletti ka lajmëruar gjatë konferencës për shtyp se ai do të qëndrojë në shtëpi.
“Që nga dita e rikthimit të Icardi-t, ai ka qenë në dispozicion të skuadrës, duke u sjellë si një profesionist dhe duke ndjekur hapat e bëra nga unë, CEO Beppe Marrotta dhe presidenti Steven Zhang,” shprehet avokati Nicoletti për agjencinë ASNA.
“Nuk më kanë informuar për këtë vendim të Spalletti-t, kështu që nuk i di arsyet dhe si pasojë nuk mund të komentoj. Flas me Marotta-n përditë dhe më ka thënë se gjërat po shkonin mirë.”