Situata e krijuar rreth Icardit dhe mungesa e qendërsulmuesit ka dëmtuar shumë rëndë Interin, i cili sot është mundur nga Cagliari në një transfertë e cila mund t’i kushtojë shtrenjtë.
Pas kësaj humbje 2-1 ekziston mundësia që skuadra e drejtuar nga Spalletti të gjejë veten jashtë katërshes së parë të dielën.
Zikaltrit vuajtën shumë në pjesën e parë dhe me meritë u gjendën në disavantazh pas golit të Çepitelit.
Edhe pse Lautaro Martinez vendosi shpejt baraspeshën në shifra, Pavoleti para fundit të 45 minutave të para ktheu përsëri në avantazh sardët.
Në pjesën e dytë, Interi nuk arriti të shënojë, duke u mundur 2-1 dhe tashmë rrezikon seriozisht pjesëmarrjen në Champions, ndonëse për momentin ndodhet i treti në renditje.
