Isco është ftuar nga trajneri i Realit të Madridit, Santiago Solari, për ndeshjen e së shtunës kundër Barcelonës, që do të zhvillohet në “Santiago Bernabeu”.
Solari ka ftuar 21 lojtarë për ndeshjen e dytë me Barçën brenda pak ditëve, teksa pak para sfidës do t’i duhet t’i heqë tre futbollistë nga lista.
Jashtë për këtë ndeshje kanë mbetur Llorente (i dëmtuar), Nacho (i pezulluar), Odriozola dhe Brahim Diaz (vendim i trajnerit).
Reali humbi 0-3 nga Barcelona të mërkurën në Kupën e Mbretit, kurse nesër do të tentojë të ngushtojë epërsinë në La Liga, pasi aktualisht është 9 pikë prapa.