“Unë jam gati ta blej Icardi”. Ka qenë kjo deklarata e dhënë sot nga ish-presidenti i Milanit, Silvio Berlusconi, aktualisht në krye të skuadrës së Monza, në Serinë C italiane. Një deklaratë që ka befasuar jo pak, sidomos në këto moment që sulmuesi argjentinas po kalon një moment të vështirë në karrierën e tij tek Interi.
Duket se Silvio Berlusconi është gati të bëjë një hap mbrapsht, madje të thyejë rregulloren e klubit në lidhje me tatuazhet për të marrë Icardi. Sulmuesi argjentinas ka mjaft tatuazhe në trup, ndërkohë që presidenti ka deklaruar se nuk do të lejojë asnjë futbollist me tatuazhe te Monza. Berlusconi duket se nuk trembet edhe nga një femër si Wanda Nara, që dikton në jetën e lojtarit.
