Në vitin 2009, Karim Benzema u largua nga Olympique Lyon për t’u bashkuar me Real Madridin, por sezonin e kaluar ishte afër rikthimit në klubin ku e nisi futbollin dhe mori famë. Sipas asaj që thotë presidenti i klubit francez, Jean-Michel Aulas, në “Tout Le Sport”, ai ishte shumë afër kthimit te Lyon:
“Do të ishte diçka e bukur, natyrisht. Ne biseduam në lidhje me rikthimin e tij vitin e kaluar, por ekonomikisht nuk mundëm të përparonim në negociata. Diskutuam me përfaqësuesin e Benzema, edhe ai është pjesë e ideve që kemi si klub“.
Karim Benzema (ka kontratë deri në vitin 2021 me të bardhët) qëndroi në “Santiago Bernabeu”, pavarësisht sezonit të keq. Sulmuesi francez i Real Madridit është duke bërë mirë dhe është duke e shijuar më shumë ndikimin te “Los Blancos”, tani që Cristiano Ronaldo është larguar dhe nuk është pikë referimi në sulm.
Në verë, Real Madridi mbylli kthimin e Mariano nga Olympique Lyon, edhe pse është e paqartë nëse këto biseda për Benzema ndikuan në këtë drejtim.
