Pamjet interesante u regjistruan në ndeshjen e Serisë A mes Sampdorias dhe Fiorentinës që përfundoi me rezultatin 2-1 në favor të vendasve.
Në minutën e 69-të të këtij takimi një numër i konsiderueshëm pëllumbash “pushtuan” fushën e stadiumit “Luigi Ferraris” në Xhenoa.
Në këto moment rezultati ishte në baraspeshë 1-1, teksa prania e pëllumbave duket se i ka sjellë fat vendasve të Sampdorias që arritën të triumfonin me rezultatin 2-1 falë golit të realizuar nga Fabio Kuajarela në minutën e 71-të. I hedhur nga stoli në minutën e 64-t, sulmuesit veteran italian i mjaftuan vetëm disa minuta për të tundur rrjetën.