Rezultat surprizë në “Elbasan Arena”. Luftëtari ka mposhtur me rezultatin 1-2 Partizanin në sfidën e parë çerekfinale të Kupës së Shqipërisë.
Skuadra e Gegës kaloi e para në avantazh me anë të Bruno Telushit, i cili mposhti portierin Bakaj me një predhë nga jashtë zone. Pjesa e parë u mbyll me avantazhin e të kuqve, ndërkohë që në të dytën gjirokastritët arritën të përmbysnin gjithçka.
Fili në minutën e 54-t vendosi baraspeshën pas një skeme të bukur, ndërkohë që mbrojtësi Rustem Hoxha i dhuroi fitoren bluzinjve në minutat e fundit të lojës.
Me këtë triumf, Luftëtari ka hedhur një hap të rëndësishëm drejt fazës gjysmëfinale, gjithsesi gjithçka do të vendoset në sfidën e kthimit.
