Leonardo ka folur për DAZN pas humbjes së Milan ndaj Sampdoria-s.
Kessie në stol – “Gjesti i tij u pa nga të gjithë dhe duheshin marrë masa të menjëhershme. Sot vendimi për ta lënë jashtë ishte teknik, pasi është stërvitur vetëm një seancë me ekipin.”
Vendimet e arbitrit – “Le t’i shohim së bashku me qetësi, sepse imazhet flasin vetë. Nuk po kërkoj justifikime, por incidenti i Piatek në minutën 90-të ishte penallti e pastër. Nuk mendoj se duhet të flasim për atë gjë pasi ekziston VAR, arbitri shkoi ta shihte, por ky gabim ndikon në rezultat.
Kemi nevojë për qetësi, tani ka filluar faza finale e sezonit dhe jemi duke luftuar, e përsëri, duhet të jemi të qetë.
