24 orë pasi Milani zyrtarizoi largimin e Manuel Locatelli te Sassuolo u bë prezantimi i Tiemoue Bakayoko që erdhi në formë huazimi nga Chelsea.
Milani përfitoi 2 milionë euro nga huazimi i Locatelli fillimisht, teksa këtë verë pret të arkëtojë 12 milionë të tjera dhe 2 milionë që do jenë në formën e bonuseve, që lojtari i ka arritur. Kjo është blerja më e shtrenjtë në historinë e Sassuolo edhe pse Milani e bleu për 18 milionë euro dhe e shiti për 12 milionë.
Do jetë 12 milionë euro që do të arkëtohen nga shitja e Locatelli. Para që do i sigurojnë një pjesë të mirë të shumës që nevojitet për të blerë mesfushorin e Chelsea.
Plot 35 milionë euro duhet të paguajë Milani te londinezët për 24-vjeçarin. Mesfushori francez e ka justifikuar shumën që do të shpenzohet për të duke luajtur në 22 ndeshje nga 23 (1 ndeshje ka qenë i skualifikuar), për më tepër që i ka luajtur të gjitha si titullar nga minuta e parë e deri në fund të ndeshjes.