Jurgen Klopp ishte guida personale e lojtarit të famshëm të bejsbollit amerikan Francisco Lindor teksa po i tregonte stadiumin e famshëm të Anfield.
Liverpool-i i Klopp ka një ndeshje të rëndësishme ndaj Everton ditën e diel dhe duhet ta fitojnë me patjetër nëse duan të rikthehen në krye të Premier League.
Gjatë xhiros që po i bënte Lindor, Klopp ka folur për atmosferën e stadiumit si dhe për ndeshjen e radhës.
“Kjo është tribuna më e famshme,” shprehet Klopp duke i treguar Lindor një prej tribunave prapa portës që quhet “The Kop”.
“Të gjithë tifozët këtu qëndrojnë në këmbë dhe nuk pushojnë së brohorituri për 95 minuta.
Do të kisha shumë dëshirë të qëndroja një ditë këtu dhe besoj se një dit do ta bëj.
Të dielën, 300 milionë tifozë të Liverpool do të shohin derbin…dhe disa tifozë të Everton.”
