Lionel Messi ka treguar edhe njëherë se është futbollisti më i aftë i planetit, duke xhongluar edhe këpucën e tij.
Pasi iu dha detyra të xhonglonte disa objekte të rastësishme nga Unisport, Messi nuk zhgënjen.
Në fillim argjentinasi xhonglon një top të Champions League me lehtësi të madhe. Për t’ia bërë detyrën më të vështirë, Messi duhet të mbante në ajër një top tenisi, por edhe atë nuk e kishte problem.
Për t’ia vështirësuar akoma më tepër, atij i jepet një top golfi, por edhe atë e xhonglon me një lehtësi të madhe.
Pasi nuk ja vështirësuan jetën me objekte të rrumbullakëta, i hedhin këpucën e tij, por normalisht që as atë nuk kishte problem ta kontrollonte.
