Drejtori Sportiv i Juventusit, Fabio Paratici është takuar me agjentin Mino Raiola, me të cilin ka biseduar për mundësinë e transferimit të Matthijs de Ligt në Torino nga sezoni i ardhshëm.
Mbrojtësi 19-vjeçar lidhet ngushtë me interesimin e Barcelonës, por Juventus ka bërë një hap përpara sipas medias spanjolle “Marca”.
Kapiteni i Ajax ka klauzolë largimi 75 milionë euro, po aq sa shpenzoi Barcelona për Frankie de Jong. Gjithsesi një vlerësim dhe takim i planifikuar do jetë pas dy ndeshjeve që Juventus do luajë me Ajax, aty ku trajneri Allegri do ketë mundësi ta shikojë nga afër qendërmbrojtësin.
