Manchester United mori një fitore të rëndësishme 3-2 falë dy golave të Romelu Lukaku-t i cili është rikthyer vendimtar për Djajtë e Kuq.
Pas ndeshjes, sulmuesi belg ka folur për mikrofonat: “E dinim se na duhej fitorja sot dhe ia dolëm”, ka thënë belgu.
“Nuk ishte ndeshja jonë më e mirë, por jemi të lumtur. Kemi krijuar shumë mundësi, sidomos në 10 minutat e para, por rëndësi kanë tre pikët”.
“Jam një sulmues dhe doja që Paul Pogba të godiste penalltinë. Ai po kalon një ecuri të mirë dhe ka qenë një lojtar i rëndësishëm për ne”.
“Fokusi im ishte të ndihmoja shokët e ekipit. Trajneri më dha një tjetër mundësi sot. Duhet ta marrim nga ndeshja në ndeshje dhe të punojmë në maksimum në stërvitje”, ka përfunduar Lukaku.
