Ajax-Juventus ka filluar të luhet që tani.
Përballja e çerekfinaleve të Champions League është ndezur nga deklaratat e ish-drejtuesit të klubit holandez, David Endt, i cili ka akuzuar javën e kaluar lojtarët bardhezinj për doping në finalen e 1996-ës.
Pas kundërpërgjigjes së Ciro Ferrara-s në ditët e kaluara, tani ka ardhur edhe reagimi i ish-mesfushorit të Juventus-it dhe trajnerit aktual të Francës, Didier Deschamps.
“Janë fjalë që mund të ngrenë dyshime, por e vetmja e vërtetë që ka rëndësi është ajo e fushës, e cila është unike për të gjithë”, ka thënë trajneri francez për “Sport Mediaset”.