E përditshmja “Globo Esporte” ka konfirmuar sot se sulmuesi 17-vjeçar brazilian Gabriel Martinelli është pranë nënshkrimit të një marrëveshje me skuadrën e Arsenal. Lajmin e ka konfirmuar menaxheri i lojtarit, që shtoi se 25 skuadra e kishin telefonuar për të siguruar shërbimet e talentit brazilian. Përfshi edhe Manchester United dhe Barcelona. Lojtari aktualisht luan me skuadrën e Ituano, por verën e ardhshme do të zbarkojë në Angli.
Sipas menaxherit të lojtarit, për Martinelli ishin interesuar 8 skuadra braziliane, 5 angleze, 6 spanjolle, 4 italiane dhe 2 franceze. Gjithsesi, këtë garë të çmendur për sulmuesin e ka fituar Arsenali. “Të jem i sinqertë, kjo ishte ajo që ne dëshironim. Gabriel është përmirësuar ndjeshëm gjatë vitit të fundit. Plani ynë i parë ishte që të shkonim në Europë, më pas të shohim”, tha Marcos Casseb, menaxheri I lojtarit 17-vjeçar, që konsoderohet si idhulli i ardhshëm i “selecao”.
