Trajneri Jurgen Klopp shpreson që sulmuesi brazilian Roberto Firmino të jetë gati për ndeshjen derbi të së dielës që Liverpool do të luajë ndaj Everton në fushën e këtij të fundit. Lojtari pësoi një dëmtim në gju një javë më parë në takimin ndaj Manchester United, duke u detyruar të mos luajë në mesjavë në ndeshjen ndaj Watford.
Deri dje nuk është stërvitur me skuadrën, ndaj do të shohim se si do të reagojë në 48 orët e fundit para se të vendosim. Gjithsesi, duket se gjërat janë në drejtimin e duhur dhe mund të luajë. Pavarësisht kësaj situate, mendoj se kemi lojtarë që mund të plotësojnë këto boshllëqe dhe të mos rrezikojmë”, u shpreh trajneri gjerman Klopp.
Pavarësisht se Firmino nuk luajti në mesjavë, madje edhe Henderson qëndroi në stol, skuadra e Liverpool fitoi 5-0 ndaj Watford, çka tregon e sulmi funksionon edhe pa atë. “Të gjithë duhet ta kuptojnë se janë të rëndësishëm për skuadrën dhe se nuk ka të paprekshëm. E rëndësishme është që t’i kem në dispozicion, pasi ndeshja e fundit tregoi kemi shumë lojtarë të aftë të realizojnë gol edhe nëse nuk kemi titullarët”, u shpreh Klopp.
