Ndeshja e fundit e javës së 24-t në Superiore, mes Flamurtarit dhe Kastriotit, u mbyll në barazim 1-1. Një pikë e merituar për të dyja skuadrat. Ishte ekipi i Dajës, që pas një gjysmë ore të ekuilibruar, gjeti golin e parë me Sukajn, në një gol me kokë, pas asistimit nga Kotobelli.
Sukaj u mundua sërish në fundin e pjesës së parë për të mbyllur ndeshjen, por pa tundur sërish rrjetër. Më pas, me fillimin e pjesës së dytë, Kastrioti u duk shumë kërkues, dhe pas disa aksioneve radhazi, golin e gjeti Marku në minutën e 54-t me kokë.
Flamurtari u mundua të reagonte sërish, por Çekrezi në disa raste u tregua vendimtar. Me këtë barazim, Flamurtari shkon në kuotën e 34 pikëve në vendin e gjashtë, ndërsa Kastrioti i parafundit, me 21 pikë.
