Serxho Ramos ia ka bërë të qartë Perezit se nëse nuk e do në skuadër, mjafton ta paguajë dhe ai largohet. Pas disfatës ndaj Ajaksit ka pasur gjakra të nxehur në dhomat e zhvjeshjes së madrilenëve. Perez kritikoi ekipin për përkushtimin dhe mbrojtësin në veçanti.
Pas fjalëve të Ramos, presidenti zgjodhi të heshte. Spanjolli ka një kontratë që përfundon në 2021. Në rast se ka prishje të njëanshme, pra nga Reali, klubi i detyrohet t’i pagujë plot 25 milionë euro, çka nuk duket një ide e mirë. Reali po përgatitet për një fushatë blerjesh për të rinovuar ekipin dhe është gati të hap thesin për blerje stratosferike.
