Jesse Lingard ka postuar një video nga festimi i tij i lumtur në rastin e golit të Marcus Rashford, që vulosi triumfin e pabesueshëm të Ligës së Kampionëve ndaj PSG.
Ishte dukshëm e pamundur që “Djajtë e Kuq” të mund të shkonin në Paris dhe të pretendonin përmbysjen e disavantazhit 2-0, referuar dominimit të PSG në ndeshjen e parë dhe faktit që kishin një mori lëndimesh, por në fund ia dolën.
Lingard e ka përjetuar ethshëm kualifikimin, duke e ndarë gëzimin e tij të çmendur me ndjekësit në rrjetet sociale, përmes një videoje. Ai po e shihte ndeshjen nga shtëpia, në televizion, sepse ishte i dëmtuar.
Manchester United tani pret shortin e çerekfinaleve të garës madhore europiane për klubet, ku e kanë siguruar vendin edhe Tottenham, Ajax e Porto për momentin.
