Dy gola në fundin e ndeshjes i dhanë fitoren 2-0 skuadrës së Barcelonës ndaj rivalëve të Atletico Madrid, duke e çuar në 11 pikë diferencën mes dy skuadrave. Ky rezultat ka kënaqur trajnerin Ernesto Valverde, që ka pranuar se 8 javë nga fundi skuadra e tij është pranë titullit kampion.
“Këto 3 pikë janë shumë të rëndësishme. Tashmë jemi më pranë titullit edhe pse ende nuk e kemi fituar atë. Ende nuk e kemi përfunduar punën, por jemi në rrugë të mbarë. Kjo fitore ndaj rivalit më të afërt në renditje na afron me titullin dhe ky është një lajm i mirë për fansat”, tha Valverde.
Trajneri ka vlerësuar shumë sulmuesin Luis Suarez, që realizoi golin e tij të 7-të në 9 ndeshjet e fundit, gol që i hapi rrugën e fitores ndaj Atletico. “Ai ka qenë gjithnjë vendimtar për ne. një sulmues që shkakton gjithnjë dhimbje koke për ekipet rivale, pasi mund të shënojë në çdo moment”, tha Valverde.
