Pas fitores ndaj Celta-s, Real Madrid ka mposhtur edhe Huesca me rezultatin 3-2. Pas ndeshjes, ky ka qenë reagimi i dy lojtarëve që u aktivizuan për Los Blancos mbrëmjen e së dielës.
Alvaro Odriozola për lojtarin që i dha fitoren, Karim Benzema: “Ai është numri 9 më i mirë në botë, këtë po e vërteton në fushë. Jemi të lumtur që luajmë në një skuadër me të.”
…për fitoren dhe renditjen në La Liga: “Jemi shumë të lumtur për fitoren. Të gjithë lojtarët kanë kualitet, por ndonjëherë nuk të ecën. Edhe kundërshtari ishte mirë dhe na e vështirësoi punën. Në këtë kampionat, të gjitha skuadrat janë të denja.”
Brahim Diaz flet për paraqitjen e tij: “Kemi bërë një ndeshje të mirë. personalisht jam shumë i lumtur. Dua ta bind trajnerin që të më aktivizojë edhe në të ardhmen.”
…për ovacionet e tifozëve: “Jam shumë mirënjohës. Për këtë publik duhet të japim më të mirën tonë, këtë e meriton.”
