Një kërcënim me bombë ka ndodhur në Den Haag të Holandës në prag të ndeshjes së sotme ndërmjet Ajaxit dhe Juventusit në Ligën e Kampionëve.
Në qendrën e tifozëve të Den Haagg, para hyrjes së saj, është gjetur një granatë shpërthyese.
Ndërsa, anash ishte shkruar me ngjyrë shenja identifikuese e tifozëve të Ajaxit, “XXX”.
Kështu, siç njoftojnë mediat e huaja, dyshimet e para për kryerjen e këtij veprimi shkojnë te tifozët e Den Haagg.
Kjo për faktin se ky grup tifozësh më herët është binjakëzuar me tifozerinë italiane të Juventusit.
Sipas “Gazeta Express”, kjo ka bërë që policia t’i shtojë masat e sigurisë për përballjen Ajax-Juventus, për të shmangur ndonjë trazirë të mundshme në rrugët e qytetit.
Po ashtu thuhet se në zonën e tifozëve të Juventusit në tribuna do të bashkohen edhe ata holandezë të Den Haag.
