Lazio lëviz, edhe pse merkato e verës do të hapet vetëm në qershor… Igli Tare, drejtori sportiv i klubit bardhekaltër, ka arritur akord me Nwanko Simy, sulmuesi nigerian i Crotones, që në fund të sezonit mbaronte kontratën e tij me kuqeblutë.
Për sulmuesin, këtë sezon, 9 gola dhe 3 asiste në Serie B, ndërsa në total, në 3 vite, ka shënuar 20 gola. Për Simy, golashënues në Segunda Liga, kategoria e dytë portugeze, me Gil Vicente tre vite më parë, gati kontrata për 3 vite me 1 mln euro në sezon.
Mund të jetë një alternativë për Caicedo, që në janar ka pasur oferta të mira edhe nga Turqia. Që verën e shkuar, Simy u kërkua nga Lazio, pas pjesëmarrjes në Botëror.
Madje, mbahet mend sidomos për atë gol me roveshatë ndaj Juventusit, sezonin e shkuar, në një ndeshje që përfundoi 1-1.
