Ishte data 25 mars dhe pas dëmtimit të pësuar me kombëtaren e Portugalisë, në kualifikueset e Europianit përballë Serbisë, Cristiano Ronaldo do të dilte përpara medieve portugeze dhe do të bëhej “orakull” i trupit të tij: “Nuk shqetësohem nga dëmtimi, mendoj se do të kthehem pas dy javësh!”.
Një parashikim 100% i saktë. Pas 14 ditësh, portugezi është bashkuar me grupin në stërvitje dhe Juventusi do ta ketë në dispozicion për sfidën ndaj Ajaxit në Amsterdam, edhe pse duhet parë nëse Allegri do ta aktivizojë titullar ose si rezervë.