Gennaro Gattuso, trajneri i Milanit, mes batutave të thëna në konferencën për shtyp të dhënë përpara ndeshjes me Lazios, u ndal sidomos te fakti që shpesh në krosime, si goditje këndi, ashtu edhe standarte, Suso dhe Calhanoglu nuk e ngrenë topin aq sa duhet dhe ia falin kundërshtarit…
“I provojmë të gjitha në stërvitje. Mos kujtoni se nuk i provojmë. Por, në fushë zbresin lojtarët dhe është edhe cilësia e tyre. Suso dhe Calhanoglu duhet t’i bëjnë më mirë krosimet, ta ngrenë më shumë topin, por nuk mund t’i qëndroj pranë në fushë dhe të mbaj kamzhikun që t’i dënoj sa herë e bëjnë gabim”.
