Trajneri i Barcelonës, Ernesto Valverde paralajmëroi ekipin e tij në prag të supersfidës ndaj Atletico Madrid, në program për ditën e shtunë.
“3 pikët janë thelbësore. Me një fitore mund të shtojmë epërsinë piëkrisht ndaj ndjekësit më të afërt, Colchoneros. Deri kur të kemi sigurinë matematikore, nuk mund të flasim për titullin kampion, edhe në rast fitore ndaj Atleticos”, paralajmëroi tekniku i katalanasve.
“Dembele? Sigurisht nesër do të jetë jashtë, madje nuk di as nëse do të jetë në dispozicion për ndeshjen e Champions League të mërkurën”, deklaroi Valverde.
“Umtiti dhe Rakitic largohen në verë? Sezoni nuk ka përfunduar ende, kam besim te të gjithë. Nesër luajmë në La Liga, më pas në Champions dhe Kupën e Mbretit. Boateng? Është e vërtetë që po luan pak, por ishim të qartë që në fillim. Erdhi këtu për të na dhënë një dorë”, përfundoi tekniku i Barcelonës, Ernesto Valverde.
