Mauro Zarate, sulmuesi argjentinas ishte një prej atyre lojtarëve , të cilët premtuan shumë në Itali, por zhgënjyen. Ish-sulmuesi i Interi dhe Lacios tashmë luan në Argjentinë dhe kaloi nga Velezi te Boka Zhuniors.
Por, ky largim nga Velezi nuk është pritur aspak nga tifozeria, e cila tashmë duket se ka kërcënuar bashkëshorten e tij Natali Veber.
Ajo ka bërë publik një mesazh kërcënues, që e ka marrë nga një tifoz, siç vet ajo bën me dije. Në “Instagram” tifozi i ka shkruar asaj: “Kur Mauro të shfaqet në stadiumin e Velezit, do ta qëllojmë”.
Ky mesazh drejtuar bashkëshortes së Zarates, tregon dhe një herë pasionin e sëmurë të tifozerisë në Argjentinë.
