Prej ditësh flitet për një rikthim të Jose Mourinhos në Itali. Të gjithë mendojnë se do të jetë Interi skuadra, që ai do të drejtojë, por mediat raportojnë se mund të jetë Roma.
Prej fundit të vitit që lamë pas, 56-vjeçari është i papunë, pasi u shkarkua nga Manchester United, për shkak të rezultateve të dobëta.
Roma është në kërkim të një trajneri të ri, sepse Ranieri në fund të sezonit do të largohet.
Mourinho kthimin e tij në Itali e sheh me një sy shumë të mirë, pasi kujtimet janë pozitive.
Roma është një ekip mesatar, e cila me Mourinhon në krye mund të futet në sallonet e “bigëve”, jo vetëm në kampionat, por edhe në Europë.
Mbetet të shihet nëse do të jetë një lëvizje, që mund të bëhet gjatë verës, apo portugezi do të tentojë një kontratë të majme në një skuadër të madhe.
