Trajneri Maurizio Pochettino dhe sulmuesi Harry Kane do të jenë pjesë e skuadrës së Tottenham edhe sezonin tjetër. Sipas mediave britanike, trajneri argjentinas ka marrë garanci se sulmuesi nuk do të largohet nga skuadra edhe pse ka shumë oferta.
Po ashtu edhe mesfushori Dele Alli, i cili do të qëndorjë në Londër edhe sezonin tjetër. Natyrisht që jo të gjithë do të qëndrojnë dhe i sakrifikuari është mesfushori danez Christian Eriksen, që kërkohet me ngulm nga Real Madrid.
28-vjeçari do të luajë në La Liga sezonin tjetër dhe pritet të largohet nga Tottenham në fund të sezonit për shumën e 100 milionë eurove. Me këto parà, skuadra londineze do të hyjë në merkato për të gjetur një zëvendësues.
