Chelsea dëshiron që të bëjë Hazard-in, lojtarin më të paguar në historinë e klubit, duke i ofruar një pagë që shkon në £300.000 në javë. Por belgu duket se po pret edhe ofertën e Real Madrid para se të firmosë “të ardhmen” e tij me ekipin e Maurizio Sarri-t.
Kontrata e mesfushorit me tipare sulmuese skadon sezonin e ardhshëm, ndaj është i natyrshëm insistimi i klubin për të siguruar sa më parë se do ta ketë lojtarin në dispozicion.
“Varet nga ai,”-ka thënë trajneri i bluve në konferencën për shtyp para ndeshjes së sotme me Wolves. “Klubi është i gatshëm të firmos një kontratë menjëherë, por rinovimi varet nga ai.”
“E dua Eden Hazard këtu, sigurisht, por e dua vetëm nëse ai do të qëndrojë. E di që ka bisedime mes menaxherit të tij dhe klubit pothuajse çdo javë.”
