Është mbyllur në barazim 1-1 sfida mes Flamurtarit dhe Luftëtarit e vlefshme për javën e 30-të të Kategorisë Superiore. Goli i Realdo Filit në minutat e fundit të ndeshjes i ka dhuruar një pikë jetike skuadrës së Ahmatajt. Në minutën e 49-të, Ribaj gjeti golin e avantazhit për vlonjatët nga një kënd thuajse i pamundur, ndërkohë që Fili barazoi shifrat në të 89-tën.
Me barazimin e sotëm, Luftëtari u ngjit në kuotën e 38-të pikëve, duke ruajtur distancën nga Kastrioti në +7, ndërkohë që Flamurtari është i pozicionuar në vendin e 3-të me 48 pikë.
