Lazio nuk fiton në “San Siro” ndaj Milanit që prej vitit 1989. Në prag të ndeshjes kundër kuqezinjve ka folur trajneri i lacialëve, Simone Inzaghi, i cili shpreson të thyejë tabunë prej 3 dekadash.
“Kemi 29 vite që nuk fitojmë ndaj Milanit në transfertë, por herët apo vonë, tabutë do të bien. Shpresojmë që ta thyejmë pikërisht nesër këtë tabu, pasi vitet e fundit kemi fituar në transfertë ndaj Interit e Juventusit, ndaj na ka mbetur vetëm Milani”, tha trajneri Simone Inzaghi.