Presidenti i Laçit, Pashk Laska, u shoqërua ditën e sotme në Polici, pas sherrit me presidentin e Tiranës Refik Halili, ndodhur në përfundim të ndeshjes së luajtur sot për Kupë.
Siç mëson “Panoramasport.al”, përplasja ka ndodhur pas përfundimit të takimit, ku presidenti i Laçit e ka ndjekur Halilin me makinë BMW, dhe pasi të dy janë ndalur, ai ka goditur Halilin.
Për momentin, Laska mbahet në ambientet e komisariatit nr. 6 në Tiranë. Bashkë me Laskën janë shoqëruar edhe dy persona të tjerë.
Ishte presidenti Refik Halili, ai që bëri kallëzim në komisariatin 6 në kryeqytet, për rrahje me grushte. Policia, pasi e ka shoqëruar në ambientet e saj Laskën, pas disa orësh ka vendosur që ta hetojë në gjendje të lirë.