Dy lojtarët e kombëtares së Anglisë, Fill Foden dhe Mejson Grinoud mund ta kenë futur veten në telashe të mëdha. Sipas medias islandeze “DV”, lojtari i Mançester Junajtid dhe ai i Mançester Sitit kanë futur dy vajza pa leje në dhomën e hotelit pas ndeshjes së fituar ndaj Islandës 0-1.
Dy lojtarët kanë thyer edhe rregullat e distancimit social prej Covid-19. Foden dhe Grinoud pritet të ndëshkohen rëndë nga federata angleze e futbollit. Një nga vajzat ka shpërndarë një video të shkurtër në rrjetet sociale që tregon pikërisht dy lojtarët e Anglisë në dhomën e hotelit.
