E ardhmja e Paul Pogba lidhet ngushtë me kalimin tek Real Madrid. Së fundi, vëmendja është fokusuar tek Eden Hazard nga klubi spanjoll, mirëpo mesfushori i Manchester United nuk është harruar.
Revista e madhe franceze “France Football” ka hapur faqen e parë të artikullit të tyre të fundit me titullin: “Pogba rrugës për në Madrid”, duke shpjeguar edhe arsyet që do e çojnë 26-vjeçarin drejt Madridit.
Sipas asaj që shkruan revista arsyeja e parë që rikthye dëshirën e francezit për Realin është rikthimi i Zinedine Zidane në krye të skuadrës. Që nga ai moment Pogba e ka marrë në konsideratë kalimin në “Bernabeu”.
Arsyeja e dytë është që sezonin e ardhshëm të luajë nëChampions League. Aktualisht United renditet në vend të gjashtë në Premier League dhe do e ketë të vështirë të zërë një vend mes katër të parave. Pjesëmarrja në Europa League është diçka shumë e vogël për Pogba, i cili synon të kapë majat.
Së treti, Pogba synon që një ditë të fitojë “Topin e Artë” dhe ashtu siç shpjegon “France Football”, ku më mirë se tek Real Madrid ka shanset më të mëdha për ta bërë diçka të tillë. Duke e filluar karrierën si pasuesi i Luka Modric dhe do ketë shansin të fitojë gjithçka në një nga skenat më të mëdha në elitën e futbollit evropian.