Interi ka pranuar dëshirën e largimit të Mauro Icardit, që po kërkohet së fundmi nga Paris Saint Germain.
Sipas të përditshmes italiane “Gazzetta dello Sport”, zikaltrit janë treguar të gatshëm të heqin dorë nga argjentinasi vetëm nëse ndodh shkëmbimi me Edison Cavanin.
Situata e dy sulmuesit është pak a shumë e ngjashme, pasi që të dy e duan largimin nga klubet e tyre aktuale.
Inter dëshiron ta shkëmbejë Icardin me Cavanin, ndërsa sipas medieve përtej Adriatikut, marrëveshja mund të arrihet në fillim të muajit qershor.
