Është duke u luajtur në Gjirokastër, sfida mes Luftëtarit dhe Tiranës e vlefshme për javën e 31-të të Kategorisë Superiore, një përballje tepër delikate për të 2 skuadrat, të cilat kanë si objektiv sigurimin e mbijetesës.
Kujtojmë që Luftëtari dhe Tirana u përballen edhe në mesjavë në Gjirokastër, në takimin e vlefshëm për Kupën e Shqipërisë që përfundoi në barazim 0-0.
Për sa i përket formacioneve, Dunga është rikthimi i madh për skuadrën e Ahmatajt, ndërkohë që mungojnë Ramadani dhe Rapa. Te bardheblutë mungesat janë më të shumta. Ku spikat ajo e kapitenit Karabeci, mbrojtësit Imami , por edhe e sulmuesit Ngo.
Luftëtari ndodhet në vendin e 7-të të renditjes me 38 pikë, ndërsa Tirana ndodhet një vend më poshtë me dy pikë më pak, pra 36.
LIVE | Luftëtari-Tirana 1-1
GOL: Rapo 49′ / Hasani 10′
KOMENTI MINUTË PAS MINUTE:
75’ Kobina futet nga e djathta drejt qendrës, dhe me të majtën provon, por shkon jashtë kuadratit.
71’ Për pak sa nuk bënë një gafë lojtarët e Luftëtarit. Kobina kroson nga e djathta, por Aleksi teksa përpiqet të devijojë, e çon drejt portës së tij, që ndalet vetëm nga traversa, dhe ishte pranë autogolit. Në vijimin e aksionit, bardheblutë provojnë me kokë, por pa pasur shënjestër.
70’ Ndërrimi i dytë tek bluzinjtë. Në fushë Elian Çelaj, largohet Maldin Ymeraj.
65’ Oduamadi kroson brenda zone, dhe me kokë është Hasani që provon, por në duart e Bakajt goditja.
64’ Kryen ndërrimin e parë Mema. Del nga fusha Halili, futet Ernest Muçi.
61’ Kobina driblon bukur në mesfushë, më pas nis Sentamun, dhe ky i fundit lë brenda zonës topin për Hasanin, por topi i kthyer nga shkodrani mbyllet nga Aleksi në goditje këndi.
57’ Turtulli jep një top të gjatë për Hasanin, por Kocionis e mbron me trup deri sa del Bakaj dhe e kap, por shkodrani i Tiranës për pak sa nuk shënoi, pasi e preku me majën e këmbës topin.
52’ Kobina kroson nga një goditje dënimi, por Demo largon me kokë nga zona e bluzinjve.
49’ GOOOOOL LUFTËTARI 1-1/ Supergol i Donald Rapos. Nga e djathta e sulmit, Rapo nis një top të gjatë, në formë krosimi, por trajektorja e topit shkon drejt portës dhe Abibi i vendosur keq, e shoqëron drejt rrjetës.
46’ Nis pjesa e dytë, me ekipet siç e mbyllën të parën.
