Po luhet në Korçë sfida mes Skënderbeut dhe Kastriotit e vlefshme për javën e 29-të të Kategorisë Superiore. Bardhekuqtë e Orges Shehit do të tentojnë të rikthehen te fitorja pas humbjes ndaj Partizanit në transfertë me rezultatin 2-0.
Ndërkohë nga ana tjetër, pikët për krutanët e Bledar Devollit janë jetike. Një rezultat negativ në Korçë do ta komplikonte ndjeshëm objektivin e mbijetesës.
Në 28 javë kampionat, Skënderbeu ka arritur të sigurojë 40 pikë duke mbajtur vendin e 6-të, ndërkohë që Kastrioti renditet në vendin e parafundit me 30 pikë.
Të dy trajnerët kanë bërë publike edhe formacionet zyrtare. Shehi ka preferuar nga minuta e parë kroatin Pervan duke ulur në stol Gripshin dhe duke spostuar nga e djathta Muzakën, ndërkohë që Bojom nuk ja ka dalë të jetë titullar te skuadra mike.