Piatek është i vetëm në majën e sulmit. Në “Tardini”, kundër Parmës, Milani nuk mundi të merrte më shumë se një barazim 1-1, duke treguar edhe një herë tjetër se në repartin e avancuar diçka mungon. Gjithashtu mangësi vërehen edhe ne mesfushë, nuk gjendet dikush që të mund të furnizojë me topa “bomberin” polak.
Milanit i duhen fitoret për të ruajtur zonën Champions, ndërsa një ndihmesë të madhe deri më tani i ka dhënë pikërisht Piontek, i cili regjistron 21 gola në total në 29 sfida në kampionat. Paqueta ishte një ndihmesë e madhe për sulmuesin, por tani, që është dëmtuar, situata duket pak e komplikuar.
Gatusso duhet të improzivojë me lojën e kuqezinjve, por edhe me skemat. Në fakt, një gjë të tillë e ka bërë dhe skuadra ka ditur sesi t’i përshtatet rreshtimit 4-3-3, gjithashtu dhe atij 3-4-1-2.
Pikërisht ky aspekt ndoshta do t’u vijë në ndihmë kuqezinvje, që sigurisht duhet të shpresojnë që të kenë edhe fatin me vete, sepse jo gjithmonë çdo gjë arrihet me forcat e tua. Sidoqoftë, përtej çdo vështirësie, “Djalli” duhet të shpresojë që Piontek të vazhdojë të shënojë, sepse shpëtimi i skuadrës duket se është pikërisht polaku.