Kategoria Superiore mbylli ditën e sotme me të gjitha ndeshjet e saj, javën e 27-të dhe njëkohësisht edhe fazën e tretë. Tre vendet e para, Partizani, Kukësi dhe Teuta u mundën, dhe mbeten në të njëjtat pozicione, po me aq pikë, përkatësisht 54 të kuqtë, 45 verilindorët, dhe 43 ekipi i Shkëmbit.
Afrohen Laçi dhe Flamrutarit, në vendin e katërt dhe të pestë, por të dyja me nga 41 pikë. Në vendin e gjashtë, renditet Skënderbeu me 40 pikë, që këtë javë ishte pushim.
Akoma më interesante situata në fundin e tabelës. Luftëtari në vendin e shtatë, shkon në 34 pikë pas fitores me Partizanin. Tirana mbetet e teta, me 30 pikë, ndërkohë që afrohet Kastrioti, me 27 pikë.