Ndeshja mes Liverpool dhe Portos në Champions ka ngjallur jo pak polemika sa i përket një ndërhyrje “horror” të Momo Salah ndaj Danilos, mbrojtësit të ekipit portugez.
Presidenti i “dragonjve”, Pinto da Costa, ka sulmuar ashpër arbitrimin dhe në veçanti episodin më të përfolur. Në një prononcim të dhënë për “Record” dhe më pas “Daily Mail”, kreu i bardhebluve tha: “Danilo duhet të falënderojë Zotin që kjo ndërhyrje nuk i theu këmbën. Salah ishte me fat që nuk u përjashtua.
Sulmuesi i Liverpoolit duket qartë që ngre takat dhe mbërrin me vonesë, duke goditur mbrojtësin. VAR duhet të thërriste arbitrin, por siç duket, asgjë nuk ndodhi dhe egjiptiani mund të luajë lirisht edhe në ndeshjen e dytë”.
