Veronique Rabiot, mamaja njëherë menaxherja e mesfushorit francez Adrien Rabiot ka shpërthyer në akuza të rënda ndaj presidentit të PSG, Al-Khelaifi.
Në një intervistë për “AFP”, ajo deklaroi: “Nëse Adrien do të ishte gjobitur për diça të drejtë, atëherë do të ishte ndryshe. Përkundrazi, të gjithë shokët e tij të ekipit e dinë që ai është keqtrajtuar dhe sot ai vuan pa thënë asgjë”.
“Al-Khelaifi i hoqi qetësinë, PSG nuk mund të mbyllë një sy kur një prej futbollistëve të mirë të ekipit keqtrajtohet në sytë e të gjithëve”, vijoi mamaja dhe menaxherja e Rabiot.
Mesfushori është jashtë planeve të Tuchel dhe klubit prej shumë kohësh për shkak të vendimit të tij për të mos rinovuar kontratën. Rabiot do të largohet nga PSG më datë 1 korrik kur edhe skadon kontrata e tij me ekipin nga Parisi.
