Giorgio Chiellini ka humbur të gjitha shanset për të luajtur në sfidën e së martës mbrëma ndaj Ajax, për turnin e parë çerekfinale të Champions League.
Mbrojtësi bardhezi ka probleme me pulpën dhe sot është nxjerrë për t’u stërvitur me grupin, por për të ka qenë e pamundur të vazhdojë më tej për shkak të dhimbjeve. Për këtë mjekët e skuadrës vendosën që ai të mos stërvitet më për sot dhe ta ndjekë ndeshjen nga shkallët e stadiumit sipas “Sky Sport”.
Ndërkohë Cristiano Ronaldo është stërvitur rregullisht me grupin. Duke qenë në formë të plotë për të luajtur në sfidën ndaj Ajax. Sulmuesi portugez e pati parashikuar se do të ishte në fushë pas dy javësh dhe ashtu duket se do të ndodhë. Muskujt e tij i përgjigjen ashtu siç ai do dhe sot është gati për të lënë gjurmë në kompeticionin e tij të preferuar.
Sa i përket Emre Can, ai është zyrtarisht jashtë kësaj ndeshje, pasi ishte e pamundur të ishte i gatshëm për të qenë në stol.
