Trajneri i Luftëtarit, Juljan Ahmataj, foli pas barazimit në Vlorë ndaj Flamurtarit ku u shpreh:
Barazim karakteri…
Ndeshje shumë e vështirë. Një skuadër që vjen nga fitoret të ve në vështirësi. Punuam gjatë gjithë javës. Mëritë kryesore e kanë djemtë. Kanë bërë një punë kolosale. Të japin shumë shpresë edhe lojtarët e rinj. Golin nuk duhet ta pësonim. E rëndësishme është që morëm një pikë. Mund të na takonte më shumë. Por, duhet të pranojmë rezultatin.
Sa pranë objektivit iu çon kjo pikë?
Jemi 7 pikë larg vendit të parafundit. Duhet të punojmë çdo ndeshje. Asnjë gjë s’ka mbaruar. Çdo ndeshje është e vështirë. Duhet t’i menaxhojmë situatat. Na duhen energji në momentet e fundit, kur skuadrat bien nga fiziku.
Pasiguria e portierit…
Duhet të arrijmë objektivin. Janë drejtuesit ata që e bëjnë skuadrën. Nuk e kam bërë unë skuadrën. Unë ashtu e gjeta. Si Bakaj dhe Ruçi i kanë dhënë shumë skuadrës. Gabimet në futboll ndodhin. Nuk duhet ta rëndojmë portierin, nuk ka njeri që s’gabon.
Aktivizimi i lojtarëve të rinj. Mendoni se do e përballojnë presionin?
Nuk transmetoj presion te skuadra. Kemi qenë në situata më të vështira, nuk e kam vënë asnjëherë skuadrën në presion. Jam unë ai që jap përgjegjësi për rezultatet dhe performancën.
Sa i druheshit Flamurtarit?
Është një ekuilibër taktik që ne e kemi ruajtur shumë. Ishim të ekuilibruar pavarësisht se morëm gol dhe ndryshuam skemën. Është një sjellje e nivelit të lartë. Niveli është shumë i lartë në kualitet.